Душанбе. 14-уми феврал. ОИ «Азия-Плюс» – Чанде қабл миёни Вазорати маорифи Тоҷикистон ва созмони байнулмилалии «Релиф Интерешнл» Ёддошти ҳамкорӣ ба имзо расид.

Тавре сухангӯи вазорат Ноилшо Нурлаиев ба ОИ «Азия-Плюс» хабар дод, «Релиф Интернешнл» ҷиҳати беҳбуди заминаи моддиву техникии муассисаҳои таълимии Тоҷикистон ва баланд бардоштани сатҳи донишандӯзӣ дар соли 2009 ба миқдори 100 $ маблағ ҷудо мекунад.

Ба гуфтаи Н.Нуралиев, дар чаҳорчӯбаи татбиқи ёддошт 26 мактаби таҳсилоти умумӣ ба шабакаи Интернет васл гардида, 500 омӯзгор аз рӯи барномаи фанновариҳои иттилоотӣ ва коммуникатсионӣ ба омӯзиш фаро гирифта хоҳанд шуд. Ғайр аз ин, нашри дастурҳои методӣ ва дигар маводи таълимӣ ба нақша гирифта шудааст.

Душанбе. 14-уми феврал. ОИ «Азия-Плюс» – Сардори раёсати таҳқиқоти мушкилоти бахши иҷтимоӣ ва бозори меҳнати Маркази тадқиқоти стратегии назди президенти Тоҷикистон Фирӯз Саидов изҳор дошт, ки баҳои «Гурӯҳи байнулмилалии бӯҳронӣ» ба вазъи мавҷуда дар Тоҷикистон асоси воқеӣ надорад.

Қобили зикр аст, ки чанде қабл созмони байнулмилалии мазкур, ки қароргоҳаш дар шаҳри Брюссел ҷойгир аст, гузоришеро интишор сохт ва дар он вазъи иқтисодиву иҷтимоиро дар Тоҷикистон хеле мушкил ва наздик ба коллапс арзёбӣ намудааст. Дар гузориш сабаби чунин вазъ бо афзоиши коррупсия, мухолифат бо Ӯзбекистон, коҳиши хеле зиёди интиқоли маблағҳои муҳоҷирони меҳнатӣ ва вазъи ҳалокатовари зерсохтори энертгетика дар ҷумҳурӣ маънидод шуда, гурӯҳи коршиносон ҳамчунин ҳукуматдорони тоҷикро ба ноӯҳдабароӣ дар иҷрои тавсияҳои созмонҳои байнулмилалӣ мавриди танқид қарор додаанд.

Дар ҳамин ҳол Ф.Саидов мегӯяд, аз ҷониби ин гурӯҳ вазъ дар Тоҷикистон начандон воқеӣ арзёбӣ шуда, агар ҳукумати Тоҷикистон дар баъзе маврид тавсияҳои онҳоро иҷро насозад ҳам, ин маънои онро надорад, ки ҳамаи ин тавсияҳо муфиданд. «Агар мо ба самти нодуруст ҳаракат дошта бошем, пас ин тавсияҳо низ начандон дурустанд», – гуфт ӯ.

Дар идомаи мавзӯи мазкур коршинос изҳор дошт, масъалаи идомаи сохтмони нерӯгоҳи Роғун ҷавобгӯи манфиатҳои миллии Тоҷикистон аст, вале чанде аз созмонҳои байнулмилалӣ тавсия медиҳанд, ки ҳукумат аз иқдоми мазкур даст кашад. «Танҳо дар соли 2008 ҳукумат барои идомаи сохтмони нерӯгоҳи Роғун ҳудуди 100 млн. сомонӣ маблағ ҷудо кард ва дер ё зуд мо бояд аз вазъи бӯҳронии мавҷуда раҳо ёбем», – гуфт ӯ.

Ғайр аз ин, мегӯяд Ф.Саидов, дар ҷумҳурӣ ҷиҳати ҳалли раҳоӣ аз бунбасти коммуникатсионӣ низ чораҳои муассир андешида мешаванд, ки ин масъала низ самти афзалиятнок маҳсуб мегардад.

Дар мавриди муносибат бо Ӯзбекистон номбурда изҳор дошт, ки масъалаи мазкур ба Тоҷикистон бастагии зиёд надорад. Дар масъалаи афзоиши мизони коррупсия, коршинос хулосаҳои гурӯҳи коршиносони байнулмилалиро оид ба густариши ин падидаи номатлуб дар ҷумҳурӣ қабул дорад. «Вале чунин вазъ ба аксари кишварҳо хос аст», – афзуд Ф.Саидов.

           

Душанбе. 14-уми феврал. ОИ «Азия-Плюс» – Дар То


ҷ


икистон коҳиши қурби миёнаи доллари ИМА ба мушоҳида мерасад.

           

Тавре аз Бонки миллии То


ҷ


икистон ба ОИ «Азия-Плюс» хабар доданд, 13-уми феврал дар нуқтаҳои мубодилаи асъор қурби 1 доллари ИМА ба 3-72-3,74 сомон


ӣ


баробар буд.

           

Тибқи маълумоти бонк, тамоили поин рафтани қурби доллари ИМА инчунин дар бозори байнибонкии асъор ба андозаи 1,3 дарсад ба мушоҳида расида, он аз 3,7225 ба 3,7190 сомон


ӣ


барои 1 $ коҳиш ёфтааст.

           

«Тамоили мавҷудаи афзоиши талабот ба асъори миллӣ дар аксари сегментҳои бозори дохилии асъор ба назар мерасад», – афзуд сарчашма.

           

Душанбе. 14-уми феврал. ОИ «Азия-Плюс» – Рӯзҳои 17-18-уми феврали соли ҷорӣ дар Кумитаи иҷроияи ИДМ дар шаҳри Минск ҷаласаи гурӯҳи коршиносон оид ба мувофиқасозии лоиҳаи қарор дар бораи нақшаи татбиқи Консепсияи рушди донишандӯзии калонсолон доир мегардад.

           

Тавре аз Кумитаи иҷроияи ИДм ба ОИ «Азия-Плюс» хабар доданд, нақшаи чорабиниҳои консепсияи мазкур ба фароҳам сохтани шароит барои ташаккули фазои ягонаи (умумии) омӯзиш дар кишварҳои узви иттиҳод равона гардидааст. «Яке аз механизмҳои муҳими ташаккули чунин фазо донишандӯзии калонсолон ва фаъолияти маърифатнокӣ мебошад», – гуфт манбаъ.

           

Интизор меравад, ки чорабиниҳои муштараки нақша аз ҳисоби кишварҳои манфиатдор маблағгузорӣ гардида, дар марҳилаи аввал таҳияи заминаи меъёриву ҳуқуқии иқдоми мазкур пешбинӣ шудааст.

           

Душанбе. 14-уми феврал. ОИ «Азия-Плюс» – Ба санаи 31 январи соли 2009 сандуқи қарзии


Ҷ


СК «Ориёнбонк» 723 миллону 238 ҳазору 825 сомониро ташкил медиҳад.

Ба санаи мазкур сохтори соҳавии қарзҳои


ҷ


ойгиркардашуда, умуман, аз р


ӯ


и низоми бонк бо асъори милл


ӣ


корхонаҳои ти


ҷ


оратии шахс


ӣ


– 70,84 фоиз, корхонаҳои хо


ҷ


агии қишлоқ – 23,32 фоиз, корхонаҳои давлат


ӣ


– 0,59 фоиз ва шахсони воқе


ӣ


-5,25 фоиз нишон додан мумкин аст. Ин нишондод бо асъори хори


ҷ


ӣ


корхонаҳои ти


ҷ


оратии шахс


ӣ


– 62,49 фоиз, корхонаҳои хо


ҷ


агии қишлоқ – 13,75 фоиз ва корхонаҳои давлат


ӣ


– 23,65 фоиз аст. Дар ин бора аз хадамоти матбуоти бонк хабар доданд.

           

Душанбе. 14-уми феврал. ОИ «Азия-Плюс» -Сардори Раёсат оид ба сиёсат, барномаҳо ва таъминоти моддиву техникии Фармондеҳии нақлиёти нерӯҳои ИМА контр-адмирал Марк Харничек бо сафари панҷрӯза ба Тоҷикистон ташриф меорад.

           

Тавре аз Вазорати умури хориҷии ҷумҳурӣ ба ОИ «Азия-Плюс» хабар доданд, боздид рӯзи 18-уми феврал оғоз гардида, ҳадаф аз он дидору гуфтушуниди намояндаи воломақоми нерӯҳои низомии Амрико бо шахсони расмии Тоҷикистон аст. Дар бораи ҷузъиёти дигар алҳол чизе гуфта намешавад.

           

Интизор меравад, ки дар ҷараёни сафар масъалаи транзити борҳои Амрико таассути қаламрави Тоҷикистон ба Афғонистон мавриди баррасӣ қарор гирад.