Суди шаҳри Қӯрғонтеппа баррасии парвандаи ҷиноӣ нисбати хазинадори филиали «Амонатбонк» дар шаҳри Қӯрғонтеппаро, ки ба азхудкунии 1,5 млн. сомонӣ гумонбар дониста мешавад, оғоз намуд.
Тавре ба ОИ «Азия-Плюс» прокурори шаҳри Қӯрғонтеппа Ҷумъаназар Сайдаҳмадов хабар дод, хазинадори филиали бонк Салим Бобоев дар содир намудани ҷиноятҳои пешбинишуда дар моддаҳои 245 (Азонихудкунӣ ё исрофкорӣ), 246 (Тасарруфи пулу моли ба тариқи кредит додашуда) ва 323 (Сохтакории хизматӣ)-и КҶ ҶТ айбдор карда мешавад.
Бино ба маълумоти тафтишот, хазинадор бо истифода аз мансаби хидматӣ тавассути сохтакории ҳуҷҷатҳо 1,5 млн. сомонӣ маблағро азхуд кардааст. Ғайр аз ин, ӯ ба шуъбаи қарздиҳии бонк ҳуҷҷатҳои ғайриқонунӣ пешниҳод намуда, ба маблағи умумии 800 ҳазор сомонӣ қарз гирифтааст.
Зимнан зикр гардид, ки дар ҷараёни тафтишоти пешакӣ Бобоев 1,5 млн. сомониро баргардонида, ҳоло 800 ҳазор сомонии ба сифати қарз гирифааш боқӣ мондааст. Суд имрӯз идома меёбад.
