Имрӯз дар иҷлосияи дувоздаҳуми Маҷлиси миллии Маҷлиси Олии ҶТ аъзои палатаи болоии парлумони ҷумҳурӣ якдилона тағйироти воридшуда ба Кодекси гражданиро дастгирӣ намуданд, ки мувофиқи он, акнун барои туҳмату таҳқир мутобиқи қонунгузории гражданӣ ҷавоб гуфта мешавад.
Узви палатаи болоии парлумон, раиси Дастгоҳи иҷроияи сарвари давлат Бахтиёр Худоёров изҳор кард, ки қаблан бо пешниҳоди президенти мамлакаи Эмомалӣ Раҳмон моддаҳои 136 (Туҳмат) ва 136 (Таҳқир) аз Кодекси ҷиноӣ хориҷ карда шуданд.
«Амалҳои марбут ба туҳмату таҳқир акнун дар доираи Кодекси граждании ҶТ баррасӣ шуда, инкор ё ҳаҷми ҷуброни пулӣ барои зарари маънавӣ аз ҷониби худи ҷабрдида дар аризаи даъвогӣ муайян карда мешавад», – гуфт номбурда.
