Душанбе. 26-уми сентябр. ОИ «Азия-Плюс»
– Дар Кумитаи давлатии сармоягузорӣ ва идораи амволи давлатии Тоҷикистон санади «Фаъолияти сохтмонӣ. Қонунгузорӣ ва ислоҳот» муаррифӣ гардид.
Аз сафорати Иёлоти Муттаҳидаи Амрико ба ОИ «Азия-Плюс» хабар доданд, ки муаррифиномаи мазкур бо мақсади шиносоии наздик аз қонунгузории Тоҷикистон дар бахши сохтмон, таҷрибаи кишварҳои пешқадам ва тавсияҳои беҳсозии низоми иҷозатномадиҳӣ барои фаъолият дар соҳаи сохтмони Тоҷикистон баргузор гардида, он бо дастгирии техникии лоиҳаи
USAID
оид ба беҳтар кардани муҳити тиҷорат (
BEI
) дар Тоҷикистон созмон дода шудааст.
Бино ба иттилои манбаъ, дар муаррифинома зикр гардид, ки масъулияти фароҳам сохтани шароити мусоиду зарурӣ барои рушди сохтмон дар кишвар ва таъмини бехатарии корҳо дар он ба дӯши давлат вогузор шудааст.
Ҳамчунин иштирокдорони муаррифинома муқаррароти қонунгузории Тоҷикистон дар бораи сохтмонро мавриди таҳлилу баррасӣ қарор доданд.
