Дар толори маҷлисгоҳи Раёсати БДА ҶТ «Амонатбонк» бахшида ба 22-юмин солгарди Истиқлолияти давлатӣ, бо иштироки раиси Раёсат Гулнора Ҳасанова ва меҳмонон Назри Яздонӣ ва Муҳтарам Ҳотам ҷаласа баргузор гардид.
Бино ба иттилои хадамоти матбуоти БДА «Амонатбонк», дар ҷаласа кормандони дастгоҳи Раёсати Амонатбонк, мудирони филиалҳои шаҳри Душанбе ва ноҳияиҳои тобеи марказ ширкат доштанд.
Ба иттилои манбаъ, ҷаласаро нахуст Раиси Раёсат Гулнора Ҳасанова оғоз намуда, аз дастовардҳои Бонк тӯли солҳои соҳибистиқлоливу ягонагӣ маъруза намуданд. Дар маърузаи худ Гулнора Кенҷаевна аз дастовардҳои Бонк ва тӯли ин солҳо ба пешравиҳои зиёде ноил шудани Амонатбонк мисолҳои зиёде оварда самараи онро аз сиёсати хирадмандонаи сарвари давлат арзёби намуданд.
Сипас Назри Яздонӣ ва Муҳтарам Каромат ҳозиринро бо Истиқлолияти давлатӣ табрик намуда мисолу иқтибосҳо аз таъриху тамаддуни миллати тоҷик ва самараи Ваҳдату Истиқлолияти Тоҷикистон ва дастовардҳои мардуми тоҷик дар бахшҳои гуногун тули 22-сол андешаҳои худро баён карданд.
Дар қисмати дуюми ҷаласа бахшида ба ин ҷашни миллӣ Истиқлолияти давлатӣ, 129 нафар кормандони фаъоли Бонк аз тарафи роҳбарияти Раёсат бо Ифтихорномаву Раҳматномаҳо қадрдонӣ шуданд. Ҳамчунин сардори шуъбаи амалиётии филиали №66 БДА ҶТ «Амонатбонк» дар ВМКБ Саидшо Шоҳзодаев бо мукофоти давлатӣ, медали Хизмати шоиста сазовор гардид.
