Сокини шаҳри Кӯлоб Мирзо Бегматови 90-сола, ки шахсан бо тамоми раҳбарони Тоҷикистони муосир аз Ҷаббор Расулов то Эмомалӣ Раҳмон шиносоӣ дошт, бо навмедии зиёд аз имконоти номзади ягона аз аз мухолифин дар интихоботи президентӣ Ойниҳол Бобоназарова ибрози андеша намуд.
Дар суҳбат бо хабарнигори ОИ «Азия-Плюс» Бегматов, феълан раиси Шӯрои минтақавии собиқадорони ҷангу меҳнати Кӯлоб изҳор намуд, ки дар пешбарии зан дар кишвари ҷомеаи «падарсолорӣ»-и мо як интригае мавҷуд аст, вале бо ҳамин ин интрига ба охир мерасад.
«Шахсан ман муқобили занон чизе гуфтанӣ нестам, вале ҳарчанд васоити ахбори умум дар бораи Ойниҳол Бобоназарова ҳамчун ҳуқуқшинос ва ҳоми ҳуқуқи маъруф ҳарф зананд ҳам, вале бо вуҷуди таваҷчуҳи зиёдам ба пайгирии вазъ дар ҷумҳурӣ, ман аз ӯ огаҳие надорам», – гуфт ӯ ва илова намуд, ки мухолифин аз ноилоҷӣ чунин тасмим гирифтаанд.
Мирзо Бегматов полковники мустаъфӣ, ходими маъруфи ҳизбиву сиёсӣ буда, мақомоти шаҳрдории Кӯлобро солҳои бунёди он роҳбарӣ ва дар мансабҳои масъули мақомоти ҳизбиву шӯравӣ ифои вазифа кардааст.
