Дар суди ноҳияи Исмоили Сомонии пойтахт имрӯз ҷаласаи нахусти судӣ оид ба баррасии даъвои ҲНИТ нисбат ба ҷавобгар – Кумитаи телевизиону радио ва ҳамҷавобгарон – шабакаҳои телевизионии «Сафина», «Шабакаи аввал» ва «Ҷаҳоннамо» баргузор шуд. Ҷаласи судӣ таҳти раёсати муовини аввали раиси суд Ҳафиз Темуров мегузарад.
Тавре ба ОИ «Азия-Плюс» адвокати ҲНИТ Бузургмеҳр Ёров хабар дод, суд ба Кумитаи телевизиону радио ҷиҳати пешниҳоди назари худ оид ба даъво то санаи 14-уми октябр муҳлат дод.
«Дар ҷаласаи судӣ ҳуқуқшиноси ҷониби ҷавобгар изҳор намуд, ки бо мазмуни даъво шинос нест ва аз суд дархост кард, ки барои ин ба ӯ муҳлат диҳанд», – гуфт Ёров.
Ба қавли ӯ, дар даъво далеҳои зиёди туҳмат нисбати ҲНИТ ва ҷонибдорони он пешниҳод гардидаанд.
Ёдрас мекунем, ки
санаи 19-уми сентябр
Ҳизби наҳзати исломии Тоҷикистон алайҳи Кумитаи телевизион ва радиои назди Ҳукумати ҶТ барои «фаъолиятҳои сиёҳкунанда» бар зидди ин ҳизб ба суди ноҳияи Исмоили Сомонии шаҳри Душанбе муроҷиат кард, ки «ташвиқоту тарғибот нисбати ҲНИТ»-ро қатъ намуда, аз он расман узр пурсад.
