Раиси Кумитаи давлатии Думаи Русия оид ба умури ИДМ Леонид Слутский изҳор намудааст, ки мухолифи ҷорисозии реҷаи раводид бо Тоҷикистон аст. Дар ин бора хабаргузории REGNUM иттилоъ медиҳад.
«Имрӯз танҳо аз Тоҷикистон 1 млн. 130 ҳазор нафар дар Русия кору зиндагӣ мекунанд ва бо назардошти қазияи Бирюлов, дарҳол онҳоро душман донистану раводид ҷорӣ кардан воситаест, ки мо ба иғво дода шуда, онро қабул мекунем ва ба ҷудоиандозии ҷиддӣ дучор мегардем», – гуфтааст Слутский зимни конфронси матбуотӣ дар Маскав.
Вакили Думаи давлатии Русия эътироф кардааст, ки «дарёфти созиш миёни воситаи қонунӣ (нисбат ба сиёсати муҳоҷират) ва шадид хеле мушкил аст». «Аз ифрот дар ин масоил мебояд худдорӣ варзид», – бар ин назар аст Слутский.
Номбурда ҳамчунин зикр кардааст, ки рӯзҳои наздик баимзорасӣ ва тасдиқи созишномаҳо, аз ҷумла бо Тоҷикистон дар назар аст, ки баҳри танзими масоили муҳоҷирати корӣ ва «ва ба низом овардани онҳо нисбати муҳоҷирон ва ҷомеаи Русия нигаронида шудаанд».
