Рӯзи 24-уми апрел дар Душанбе ба муносибати 85-солагии Меҳмон Бахтӣ, Нависандаи халқии Тоҷикистон ва яке аз адибони машҳури тоҷик маҳфили ёдбуд баргузор шуд.
Дар ин маҳфил, ки дар толори ба номи Мирзо Турсунзодаи Иттифоқи нависандагон ҷараён гирифт, аҳли адабу фарҳанги тоҷик ва сафири Эрон дар Душанбе ширкат доштанд. Дар он маҳфил ҳозирон аз эҷодиёту корномаи ин адиби шинохта ёдоварӣ карданд.
Рӯзноманигори “Азия-Плюс” аз ин маҳфил гузориш таҳия кард.
Ӯ солҳои зиёд роҳбари Иттифоқи нависандагони кишвар буд, аммо дар дохилу хориҷ аз кишвар Меҳмон Бахтиро бештар чун драмматурги забардаст мешиносанд.
Меҳмон Бахтӣ соли 2022 аз олам чашм пӯшид, вале аз “Хубон” то “Тилисми Сайҳун” – осори гаронбаҳое ба мерос монд. Ӯро бо қаламкашиаш дар фазои адабиву фарҳангии Тоҷикистон хуб мешиносанд ва дар ҳавзаи форсӣ низ шӯҳратёр аст.
Перомуни драмматургияи Меҳмон Бахтӣ дар матлаби “Муаррифи драмматургияи тоҷик”. Ёдбуди нависандаи шинохта Меҳмон Бахтӣ” маълумоти ҷолиб мутолиа кунед.
