Нозирони дарозмуҳлат аз Дафтари институтҳои демократӣ ва ҳуқуқи башари САҲА (ДИДХБ) ба шиносоӣ бо маъракаи пешазинтихоботӣ дар Кӯлоб шурӯъ карданд.
Дар суҳбат бо хабарнигори ОИ «Азия-Плюс» нозирони ин дафтар Мартин Миндер (Швейтсария) ва Александр Кобринский (Русия) изҳор намуданд, ки онҳо дар маҷмӯъ бо ташкили маъракаи интихоботӣ ва масоилу мушкилоти таъсиси ҳайати комиссияҳои интихоботии қитъавӣ аз наздик ошно хоҳанд гардид.
Ба гуфтаи онҳо, баҳри омӯзиши амиқ ва ҳамаҷонибаи масоили мазкур онҳо бо намояндагони яқ қатор аҳзоби сиёсӣ, фаъолони ҷомеа ва намояндагони васоити хабори умум дидору гуфтушунид кардаанд.
«Албатта, ба як хулосае расидем, вале ҳисоботи мо ба роҳбари гурӯҳи Дафтари институтҳои демократӣ ва ҳуқуқи башари САҲА Бадеску пешниҳод гардида,ба иқдомоти минбаъда дар ин самт худи гурӯҳ тасмим мегирад», – зикр карданд нозирон.
