Дар нашриёти «Контраст»-и пойтахт таҳти унвони «Истиқлолияти давлатӣ ва гиромидошти забони модарӣ» китоби навбатии сармушовири президенти Тоҷикистон оид ба сиёсати хориҷӣ, номзади улуми фалсафа Зафар Шералӣ Саидзода ба табъ расид.
«Монография барои доираи всаеи хонандагон пешбинӣ шудааст. Дар китоб оид ба тадбирҳои ҳукумати ҷумҳурӣ, бахусус президенти кишвар Эмомалӣ Раҳмон баҳри таҳкими ҷойгоҳи забони тоҷикӣ дар бахшҳои гуногуни ҳаёти ҷумҳурӣ маълумоти муафассалу дақиқ рӯи саҳфа оварда шудааст», – гуфт ба ОИ «Азия-Плюс» сармушовири президент.
Ба қавли Саидзода, мушкилоти мавҷудаи компютерикунонии забони тоҷикӣ, омӯзиши ҳуруфи ниёкон дар китоб алоҳида баррасӣ шуда, ба гунаи мисол намунаҳои эҷоди адибони маъруф дар бораи забони модарӣ, фасоҳату зебогӣ ва вижагиҳои он пешниҳод шудаанд.
