Ҷавондухтари тоҷик Мадина Олимшоева дар озмуни «Краса Союза-2013» (Зебои Иттиҳод-2013) ба пирӯзӣ ноил гардид.
Бино ба иттилои хабаргузории ИТАР-ТАСС, дар ин озмуни зебоӣ донишҷӯдухтарони макотиби олии шаҳри Санкт-Петербурги Русия ширкат меварзанд, ки яке аз кишварҳои собиқи шӯравиро намояндагӣ мекунанд.
Мадина Олимшоева зодаи Вилояти Мухтори Кӯҳистони Бадахшон буда, ба рушди бахши сайёҳӣ дар ватанаш талош варзиданист, то ки ҳарчи бештар мардуми саросари ҷаҳон аз зебоиҳои Тоҷикистон баҳрвар гарданд.
Зикр мегардад, ки ба зинаи дуюм ва ҷоизаи нуқра дар ин мусобиқа Ҷаҳон Амонова, шаҳрванди Туркманистон сазовор дониста шудаааст.
Гуфта мешавад, озмуни «Краса Союза» маротиба дуюм доир мегардад. Бори нахсут озмун соли гузашта баргузор шуда, он ба 90-умин солгарди таъсиси Иттиҳоди Шӯравӣ бахшида шуда буд. Имсол он ба ифтихори Конститутсияи Иттиҳоди Шӯравӣ гузаронида шуд.
