Дар маҷлиси ҳукумати ҷумҳурӣ, ки чанде қабл таҳти раёсати президенти мамлакат Эмомалӣ Раҳмон доир гардид, дар бораи таъсиси Академияи воситаҳои ахбори омма (ВАО) тасмим гирифта шуд. Дар ин бора ба ОИ «Азия-Плюс» аз ҳукумати ҷумҳурӣ хабар доданд.
Хотиррасон карда шуд, ки ҳанӯз 10-уми марти соли 2012 зимни суханронӣ дар маҷлиси ботантана бахшида ба 10-солагии матбуоти тоҷик Эмомалӣ Раҳмон зарурати таъсиси ВАО дар кишварро таъкид дошта буд. Он замон сарвари давлат ба вазорату идораҳои дахлдор ҷиҳати омӯзиши масъалаи мазкур ва тахияи асноди зарурӣ дар ин маврид дастуру супоришҳо дода буд.
