Дар мулоқоти ҳайатҳои роҳбарони комиссияҳои байниҳукуматии Тоҷикисону Қирғизистон оид ба аломатгузорӣ дар марзи давлатӣ таҳти роҳбарии муовинони нахутсвзаирони кишварҳо Муродалӣ Алимардон ва Токон Мамитов, ки рӯзи 7-уми январ дар шаҳри Душанбе доир гардид, масоили танзими вазъ ва ҳамкориҳои судманд дар марзи давлатӣ баррасӣ шуданд.
Бино ба маълумоти Вазорати корҳои хориҷии ҷумҳурӣ, дар мулоқот ҳамчунин масоили аломатгузорӣ дар марзи давлатӣ низ баррасӣ шуда, нақшаи вохӯриҳои ҳайатҳои ҳукуматӣ ва гурӯҳҳои корӣ оид ба ин масъала дар соли 2014 муайян карда шуданд.
«Муовинони нахуствазирони кишварҳо ба хадамоти марзбонӣ, мақомоти корҳои дохилӣ ва ҳукуматҳои вилоятҳои Суғду Ботканд супориш доданд, ки ҷиҳати ташкили посбонии муштараки марз бо мақсади таъмини амнияти ҷомеа, равуои озодонаи шаҳрвандон ва воситаҳои нақлиёт дар манотиқи наздимарзӣ рӯзи 9-уми январ дар шаҳри Исфара вохӯрии корӣ баргузор намоянд», – зикр мегардад дар итттилои ВКХ.
Гуфта мешавад, ҷонибҳо оид ба мунтазам баргузор намудани чунин вохӯриҳо тавофуқ ҳосил намуда, қотеъона изҳори итминон карданд, ки минбаъд баҳри рушд ва таҳкими ҳамкориҳо дар манотиқи наздимарзӣ дар рӯҳияи анъанавии ҳамҷавориву дӯстӣ миёни кишварҳо ҳамаҷониба кӯшиш ба харҷ хоҳанд дод.
