Чанде қабл дар шаҳри Маскав маросими ба имзо расидани Созишномаи ҳамкорӣ миёни Донишгоҳи миллии Тоҷикистон ва Донишгоҳи давлатии иктишофи геологии Русия ба номи Серго Орҷоникидзе доир гардид.
Тавре ба ОИ «Азия-Плюс» намояндаи расмии сафоратхонаи Тоҷикистон дар Русия Муҳаммад Эгамзод хабар дод, санаи 21-уми январ ректорони донишгоҳҳои мазкур Маҳмадюсуф Имомов ва Василий Лисов созишномаро ба имзо расонида, зикр карданд, ки ҷонибҳо дар навбати аввал ба ҳамкории байнидавлатӣ, бахусус дар соҳаи омодагии касбии кадрҳои соҳибтахассус таваҷҷуҳи ҷиддӣ зоҳир хоҳанд кард.
Ҳадафи аслии имзои созишнома дастгирии табодули таҷриба миёни ҷонибҳо дар тамоми бахшҳои таълим буда, дар шартнома табодули таҷриба ва ҳамкорӣ миёни омӯзгорону кормандони илмӣ, донишҷӯён дар лоиҳаҳои академии самтҳои илмиву амалӣ, амалисозии лоиҳаҳои муштарак, ташкили барномаҳо /курсҳрои таълимӣ, семинару конфронсҳои илмӣ ва дигар шаклҳои табодули таҷрибаву дониш пешбинӣ гардидааст.
