Дар шаҳри Санкт-Петербург вохӯрии ифтитоҳии Ҷоми Иттиҳод-2014 оид ба футбол миёни дастаҳои мунтахаби футболи ҷавонони Тоҷикистон ва Эстония ба итмом расид.
Бино ба маълумоти Федератсияи футболи Тоҷикистон, вохӯрӣ тезу тунд сурат гирифта, мусовӣ – бо ҳисоби 2 бар 2 анҷом пазируфт.
«Футболбозони ҷавони тоҷикро лозим омад, ки ду дафъа дар ҷараёни бозӣ ҳисобро баробар кунанд. Ҳисобро дар дақиқаи 28-ум футболбозони эстонӣ кушоданд. Дар аввали қисми дуюм (дақ. 48-ум) Фирӯз Раҳматов ҳисобро мусовӣ кард. Дар дақиқаи 74-ум ҳарифон боз як голи дигар ба дарвозаи Тоҷикистон ворид карданд, аммо дар дақиқаи 90+1-уми бозӣ футболбози тоҷик Абдурасул Раҳмонов боз ҳисобро баробар кард», – иттилоъ медиҳад ФФТ.
Зимнан зикр мегардад, ки аз дастаи Тоҷикистон ҳарду тӯбро футболбозони тими «Регар-ТадАЗ»-и шаҳри Турсунзода ба ҳадаф расониданд.
