Санаи 17 июни соли ҷорӣ дар Агентии назорати маводи нашъаовари назди Президенти ҶТ ҷаласаи ашхоси мансабдорони аршади идораҳои зиддимухаддиротии кишварҳои узви Созмони Ҳамкории Шанхайбаргузор гардид.
Тавре аз Агентии мазкур хабар доданд, дар ҷаласа намояндагони Ҷумҳурии Қазоқистон, Ҷумҳурии Қирғизистон, Ҷумҳурии Халқии Хитой, Федератсияи Россия, Ҷумҳурии Тоҷикистон, Ҷумҳурии Ӯзбекистон, инчунин Котиботи Созмони Ҳамкории Шанхай иштирок намуданд.
Намояндагони кишварҳои Созмони Ҳамкории Шанхай масъалаҳои барбут ба муомилоти ғайриқонунии маводи нашъаоварро муҳокима намуданд.
Хотиррасон менамояем, ки 19 июни соли ҷорӣ дар пойтахти Тоҷикистон Машварати Панҷуми роҳбарони мақомоти салоҳиятдори кишварҳои узви Созмони Ҳамкории Шанхай, ки салоҳияти бурдани мубориза бар зидди муомилоти ғайриқонунии маводи нашъаовар доранд, баргузор мегардад.
Дар рафти ҷаласа Тарафҳо масъалаҳои ҳамкории кишварҳои узви СҲШ, ки вазъият ва дурнамои рушди ҳамкориҳои байналмилалиро дар соҳаи муқобилият бар зидди муомилоти ғайриқонунии маводи нашъаовар дар бар мегирад, мавриди муҳокима қарор хоҳанд дод.
