Аввали ҳафтаи равон ҳангоми гузаронидани чораҳои фаврӣ-ҷустуҷӯӣ аз ҷониби кормандони Шуъбаи ВКД дар ноҳияи Панҷакент ба гумони даст доштан дар ғайриқонунӣ маҳрум кардан аз озодии шахс 4 нафар сокинони ноҳияи Панҷакент – Ҷӯрабек Азимови 41-сола, Исмат Азимови 21-сола, Бахтиёр Кулиеви 40-сола ва Шараф Кулиеви 30-сола боздошт шуданд.
Бино ба иттилои маркази мтабуоти ВКД ҶТ, бо сабаби муносибати ошиқона доштан бо хоҳари яке аз онҳо, номбрудагон сокини 26-солаи ноҳияи Айнӣ Сайёд Боқиевро гаравгон гирифта, дар устохонаи назди ҳавлии Кулиев Б. нигоҳ медоранд ва аз хешовандони Боқиев С. барои озод намуданаш 5 ҳазор доллари амрикоӣ талаб намудаанд.
Гуфта мешавад, ҳангоми гирифтани маблағи пулии 2 ҳазор доллари амрикоӣ шаҳрвандон Азимов Ҷ., Азимов И., Кулиев Б. ва Кулиев Ш. дастгир карда шуданд. «Далели шайъӣ гирифта шуда, аз рӯи ин ҳодиса парвандаи ҷиноӣ оғоз ва тафтишот идома дорад», – иттилоъ медиҳад ВКД ҶТ.
