Дар доираи амалисозии лоиҳаҳо оид ба аз нав таҷҳизонидани таваллудхонаҳо, сохтмони мактабҳо дар вилояти Хатлон, тадбиҳои ҳифзи ҷангал ва бунёди манзили зист барои мутахассисони ҷавон дар манотиқи дурдасти куҳистон ҳукумати Олмон дар муддати 2 сол ба Тоҷикистон дар ҳаҷми 36 млн. евро бурс ҷудо мекунад. Дар ин бора имрӯз зимни суханронӣ дар ҷаласаи палатаи поёнии парлумон муовини вазири рушди иқтисод ва савдои Тоҷикистон Саидраҳмон Назриев хабар дод.
Ба гуфтаи ӯ, ҳукумати Олмон ҷиҳати харидории таҷҳизоти муосири тиббӣ барои таваллудхонаҳо дар вилояти Хатлон – 14 млн. евро, сохтмони 14 мактаб дар деҳоти вилояти Хатлон – 6 млн. евро, андешидани тадбирҳои ҳифзи ҷангалҳои Тоҷикистон – 8 млн. евро ва бунёди манзили зист барои мутахассисони ҷавон дар манотиқи дурдасти кӯҳистон – 8 млн. евро маблағ ихтисос медиҳад.
Баъди суханронии Саидраҳмон Назриев вакилони парлумони ҷумҳурӣ созишномаҳо аз рӯи лоиҳаҳои дар боло зикршударо, ки тобистони соли ҷорӣ миёни ҳукуматҳои Тоҷикистону Олмон ба имзо расида буданд, бидуни баррасӣ тасдиқ карданд.
