Санаи 20-уми ноябри соли равон дар Вазорати корҳои хориҷии Тоҷикистон вохӯрии муовини вазири корҳои хориҷии Тоҷикистон Низомиддин Зоҳидӣ бо сафири Словакия дар Тоҷикистон Павол Иван баргузор гардид.
Бино ба маълумоти департаменти иттилооти Вазорати корҳои хориҷии ҷумҳурӣ, дар рафти вохӯрӣ ҷонибҳо ҳолат ва дурнамои густариши робитаҳои Тоҷикистону Словакия дар соҳаҳои мухталиф, масъалаҳои таҳкиму тавсеаи заминаи шартномавию ҳуқуқии ҳамкориҳои дуҷониба, амнияти минтақавӣ ва инчунин ҳамкории Тоҷикистон бо Иттиҳоди Аврупоро муҳокима намуданд.
