Оҷонсии ҳавошиносии Тоҷикистон сокинони кишварро аз бориши борон ва омадани сел дар рӯзҳои 22-24-уми апрел ҳушдор додааст.
Ин ниҳод аз ҷумла гуфтааст, ки рӯзи 23-юми апрел дар баъзе ноҳияҳои вилоятҳои Хатлон, Суғд ва ноҳияҳои тобеи ҷумҳурӣ бориши бошиддати борон дар назар аст.
Ба гуфтаи манбаъ, рӯзҳои 22-24-уми апрел ба далели боришот, дар минтақаҳои доманакӯҳӣ ва кӯҳии ноҳияҳои тобеи ҷумҳурӣ, бархе ноҳияҳои вилояти Хатлон, ноҳияҳои доманакӯҳиву кӯҳии вилояти Суғд ва баъзе ноҳияҳои ғарбии Вилояти Мухтори Кӯҳистони Бадахшон эҳтимоли омадани сел вуҷуд дорад.
арказ, ноҳияҳои ҷудогнаи вилояти Хатлон, доманакӯҳ ва кӯҳҳои вилояти Суғд, инчунин баъзан дар ғарби ВМКБ ҳодисаҳои фаромадани сел аз эҳтимол дур нест.
Бояд гуфт, ки моҳи апрел дар Тоҷикистон нисбатан гарм аз меъёри иқлимӣ пешгӯӣ мешавад. Дар ҳамин ҳол, ҳаво аз оғози моҳ ноустувор шуда, борону раъду барқ, фаромадани туману боридани жола, инчунин баъзан баландшавии суръати вазидани шамол пешгӯӣ мешавад.
