Душанбе. 26-уми июни с.2008. ОИ «Азия-Плюс»
– Имрӯз дар шаҳри Душанбе мизи мудаввар дар мавзӯи «Мушкилоти глобалии инсоният ва тағйири иқлим: дурнамо ва воқеият» ба кор шурӯъ кард.
Аз маҳфили мубоҳисавии «Маркази матбуот» хабар доданд, ки иштирокчиён оид ба масоили гармшавӣ ва тағйири иқлими сайёра, афзоиши босуръати гази ангидриди карбон чун омили асосии нишондиҳандаи гармшавии иқлим ва таъсири омили инсонӣ ба меъёри гази номбурда дар атмосфера табодули назар мекунанд.
Мизи мудаввар аз ҷониби маҳфили мубоҳисавии «Маркази матбуот», иттиҳодияи ҷамъиятии «Иттилоот ва муошират» ва «Занони дорои маълумоти олии ҶТ» созмон дода шуда, дар ҳошияи омодагӣ ба Конфронси байнулмилалӣ бахшида ба офатҳои табиии марбут ба об гузаронида мешавад. Конфронси мазкур пагоҳ дар шаҳри Душанбе ба кори худ оғоз мекунад.
