Раиси шаҳри Душанбе Маҳмадсаид Убайдуллоев рӯзи 30-юми декабр машварати корӣ доир намуд, ки дар он масъалаҳои марбут ба тағйироти кадрӣ дар мақомоти шаҳрдории пойтахт баррасӣ шуданд.
Котиби матбуотии раиси пойтахт Шавкат Саидов ба «Азия-Плюс» дар ин робита иттилоъ дод, ки бо қарори раиси шаҳр Қосимҷон Усмонов директори Муассисаи давлатии маркази савдои «Пойтахт-90» таъин карда шуда, Мунаввара Сатторова аз мансаби директори маркази минтақавии хадамоти иҷтимоӣ барои нафақахӯрон ва маъюбон дар шаҳри Душанбе сабукдӯш ва ӯро дар ин вазифа Муҳаббат Зарипова иваз намудааст.
Зимнан зикр гардид, ки бинобар сабаби ба кори дигар гузаштан сардабири газетаи шаҳрии «Паёми Душанбе» Мухбирҷон Кенҷаев аз вазифа озод шуда, ба ҷойи ӯ Шариф Ҳусейнов сардабири газета таъин шудааст.
