Муассисаи давлатии обуҳавошиносии Тоҷикистон аз номусоидии обуҳаво рӯзи якшанбеи ҳамин ҳафта, 1-уми феврал огоҳ мекунад.
Бино ба иттилои сомонаи расмии муассисаи обуҳавошиносӣ, рӯзи аввали моҳи феврал дар ҷумҳурӣ обуҳавои ноустувор дар назар дошта шудааст.
Гуфта мешавад, дар навоҳии тобеи марказ, минтақаҳои доманакӯҳи вилоятҳои Суғду Хатлон ва ноҳияҳои ғарби ВМКБ боришоти зиёд пешбинӣ мешавад.
«Суръати вазиши шамол аз самти ғарб баъзан то 13-18 метр дар як сония мерасад. Ноҳияҳои ҷудогонаро туман фаро мегирад. Рӯзона ҳарорат 6-8 дараҷа поин меравад. Дар ноҳияҳои кӯҳистон хатари тармафароӣ аз эҳтимол дур нест», – мегӯянд обуҳавошиносон.
Зикр мегардад, ки рӯзи 1-уми феврал дар шаҳри Душанбе барфи зиёд борида, ҳарорат 2-4 дараҷа гарм мешавад.
