Рӯзи 8 апрели соли 2015 мулоқоти муовини вазири корҳои хориҷии Тоҷикистон Низомиддин Зоҳидӣ бо сафири Ҷопон дар Тоҷикистон (муқими ш. Бишкек) Такаюки Коикэ баргузор гардид.
Бино ба иттилои ВКХ Тоҷикистон, дар рафти мулоқот масъалаҳои рушди муносибатҳои дуҷониба ва ҳамкориҳои судманд дар соҳаҳои тиҷоративу иқтисодӣ, ҷалби сармоягузорӣ, энергетика ва соҳаҳои гуманитариву иҷтимоӣ мавриди баррасӣ қарор гирифтанд.
Гуфта мешавад, ҷонибҳо инчунин роҷеъ ба масъалаҳои ҳамкориҳои дуҷониба дар доираи созмонҳои минтақавию байналмилалӣ, аз ҷумла дар чаҳорчӯби Муколамаи “Осиёи Марказӣ + Ҷопон” мубодилаи афкор намуданд.
