Кормандони Фурудгоҳи байналмилалии Душанбе (ФБД) 70-умин солгарди Ғалаба бар фашизмро бо намояндагони ширкатҳои ҳавопаймоии «Тоҷик Эйр», КВД «Тоҷикаэронавигатсия» дар якҷоягӣ таҷлил намуданд.
Тавре сухангӯи ФБД Муҳаммадюсуф Шодиев иттилоъ дод, чун анъана ҷамъомади тантанавӣ дар пояи «Муҷассамаи ёдгории ҳавонавардони дар ҷанги Бузурги Ватанӣ ҳалокшуда» баргузор гардида, роҳбарони ширкатҳои ҳавопаймоӣ ва фурудгоҳи Душанбе иштирокчиёни Ҷанги Бузурги Ватаниро табрик ва саҳми авиаторонро дар ғалаба бар фашизм қайд намуданд.
Иштирокчиёни ҶБВ аз ҷониби роҳбарият ва Кумитаҳои иттифоқҳои касабаи ҶСК «Фурудгоҳи байналмилалии Душанбе», ширкати ҳавопаймоии «Тоҷик Эйр» ва КВД «Тоҷикаэронавигатсия» қадршиносӣ шуданд.
Дар ҷамъомади тантанавӣ дар қатори иштирокчиёни ҶБВ ҳамчунин иштирокчиёни ҷанги Афғонистон ва фалокати Чернобил низ иштирок ва қадрдонӣ шуданд.
