Шумори фавтидагон бар асари гармо дар Ҳиндустон ба 1,4 ҳазор нафар наздик мешавад
Сомонаи расмии шабакаи телевизиони «Ҷҳоннамо» дар шарҳи ин маълумот менависад, айни замон дар баъзе минтақаҳои Ҳиндустон гармии ҳаво 50 дараҷаро ташкил дода, ин ҳолат дар қисми ҷанубии штатҳои Телангана ва Андхра-Прадеш бештар ба назар мерасад.
Гуфта мешавад, дар давоми якуним ҳафта дар штатҳои номбурда вобаста ба баланд гардидани ҳарорати ҳаво 1 ҳазору 118 нафар ба ҳалокат расидаанд. Дар Банғоли Ғарбӣ ва Ориса бошад, ин ҳолат боиси фавтидани 24 тан гардидааст.
Зимнан зикр мегардад, ки аксари қурбониёнро шахсони бесарпаноҳ ташкил менамоянд. Тибқи пешгӯйии мутахассисони марказҳои обуҳавошиносӣ, рӯзҳои наздик ҳарорати ҳаво дар Ҳиндустон ба пастӣ рӯ мениҳад.
