Аз 21 то 27 июни соли равон як қатор ҳайатҳои воломақоми хориҷӣ ба Тоҷикистон ташриф меоранд.
Бино ба иттилои Вазорати корҳои хориҷии ҷумҳурӣ, рӯзҳои 21-24 июн сафари раиси Кумитаи доимии Шӯрои намояндагони музофоти Хэнани Ҷумҳурии Мардумии Чин Гуо Гэнмао ба Тоҷикистон дар назар буда, рӯзҳои 22-24 июн вакилони Ассамблеяи парлумонии Созмони Аҳдномаи Атлантикаи Шимолӣ (НАТО) ба Душанбе ташриф меоранд.
Гуфта мешавад, намояндаи махсуси Дабири кулли СММ, роҳбари Маркази минтақавии СММ оид ба дипломатияи боздоранда барои Осиёи Марказӣ Петко Драганов рӯзҳои 24-26 июн аз Тоҷикистон боздид намуда, 24-27 июн сафари роҳбари Агентии федералии “Россотрудничество”-и Русия Россия Любов Глебова ва 25-26 июн ташрифи ҳайати Туркия бо роҳбарии муовини вазири корҳои хориҷӣ Алӣ Кемал Айдин ба Тоҷикистон дар назар аст.
