Маҳбуси фирорӣ аз зиндони Қӯрғонтеппа ҳамсараш ва хоҳари ӯро куштанӣ буд.
Тавре» як манбаъ аз мақомоти ҳифзи ҳуқуқи вилояти Хатлон ба «Азия-Плюс дар ин робита иттилоъ дод, маҳбус Баҳрулло Шарифов, ки рӯз 4 июл аз муассисаи ислоҳии шаҳри Қӯрғонтеппа гурехта буд, иқрор шудааст, ки бо мақсади куштани ҳамсараш ва хоҳарӣ ӯ аз зиндон фирор кардааст.
Тибқи маълумоти ғайрирасмӣ, нисбат ба маҳбуси фирорӣ прокуратура мутобиқи моддаҳои 244 (Дуздӣ) ва 365 (Гурехтан аз муассисаҳои ислоҳӣ ё аз ҳабс)-и Кодекси ҷиноии ҶТ парвандаи ҷиноӣ боз намуда, нисбат ба кормандони муассисаи ислоҳӣ, аз ҷумла сардори муассиса низ парвандаҳо боз шудаанд.
Ёдрас мекунем, ки рӯзи 4 июл як маҳбуси зиндони шаҳри Қӯрғонтеппа, маҳкумшуда ба 23 соли зиндон барои одамкушӣ
бо истифода аз автомашинаи сардори муассиса рӯ ба гурез ниҳод.
Ӯ дар муассисаи ислоҳии низомаш шадид адои ҷазо намуда, соли 2005 барои ғоратгарӣ ба 11 соли зиндон маҳкум шуда, соли 2014 мавриди афв қарор гирифта буд.
