Бозии ҷавобии даври чаҳорякфиналии Ҷоми Конфедератсияи футболи Осиё-2015 байни дастаҳои «Паҳанг»-и Малайзия ва қаҳрамони секаратаи Тоҷикистон – «Истиқлол»-и Душанбе имрӯз мустақиман тариқи телевизиони давлатии «Шабакаи аввал» пахш мешавад.
Роҳбари департаменти маркетинг ва робита бо ҷомеаи Федератсияи футболи Тоҷикистон (ФФТ) ба сомонаи расмии ФФТ дар ин робита изҳор доштааст, ки ҳуқуқи намоиши бозиро Федератсия ба даст оварда, ба телевизиони давлатии «Шабакаи аввал» додааст.
Бозӣ имрӯз, 16 сентябр дар варзишгоҳи Дорулмақмур дар шаҳри Куантана доир гардида, сости 17:45 дақиқа бо вақти Душанбе оғоз мегардад. Пахши мустақими бозӣ тариқи телевизиони «Шабакаи аввал» соати 17:40 дақиқа шурӯъ мешавад.
Ёдрас мекунем, ки дар бозии аввали даври чаҳорякфиналии Ҷоми Конфедератсияи футболи Осиё-2015, ки рӯзи 26 август дар Душанбе баргузор шуд, дастаи «Истиқлол» бо ҳисоби калони 4 бар 0 бар дастаи меҳмонон дастболо шуд.
