Рӯзи 15 сентябр як давраи омӯзишии муштарак барои пизишкони кумакҳои фаврӣ дар ҳолати чароҳатҳои васеъи Кумитаи Байналмилалии Салиби Сурх (КБСС) дар ҳамкорӣ бо Вазорати тандурустӣ ва ҳифзи иҷтимоии аҳолии Тоҷикистон дар водии Ғарм шурӯъ шуд, ки имрӯз ба итмом мерасад.
Омӯзиши иқдомоти таъҷилии тиббӣ дар ҳолати ҷароҳатҳои васеъ барои 20 пизишки бахши фаврӣ баргузор мегардад. Николаз Садрадзе, намояндаи бахши беҳдошт ва дармони КБСС мегӯяд: «Ҳадаф аз ин омӯзиш афзоишу тақвияти дониш ва маҳоратҳои мутахассисон аст, ки дар бахши кумакҳои фаврии пизишкӣ кор мекунанд.”
Омӯзандагони сатҳи ҷаҳонӣ аз КБСС, ки дар арсаи ироаи кумакҳои аввалия тахассус доранд, дар бораи меъёрҳои равишҳои ташхис ва дармон барои беморон машғулиятҳо доир мекунанд. Ҳадаф аз ин омӯзиш коҳиши маргу мир бар асари як осеби умда аст.
То ба имрӯз 37 нафар табибон аз вилояти Суғд ва Вилояти Мухтори Кӯҳистони Бадахшон қобилияти худро оид ба кумакҳои фаврӣ дар ҳолати чароҳатҳои васеъ ба воситаи ду курсҳои аз ҷониби КБСС дар моҳи майи соли 2015 амалишуда такмил доданд.
Баргузории ин омӯзиш бо мусоидати фаъоли Вазорати тандурустӣ ва ҳифзи иҷтимоии аҳолии Тоҷикистон дар корҳои тадорукотӣ имконпазир шуд.
