Мақомоти шаҳрдории Душанбе дар арафаи Иди шарифи Қурбон, ки имсол санаи 24 сентябр ҷашн гирифта мешавад, аксияи «Ободонии оромгоҳҳо»-ро эълон кард.
Дар сомонаи расмии шаҳрдории Душанбе дар ин робита зикр мегардад, ки ободу покиза нигоҳ доштани оромгоҳҳо аз фазилатҳои неки инсонист ва аз сокинони шаҳр даъват ба миён оварда мешавад, ки дар доираи аксияи «Ободонии оромгоҳҳо», ки аз 20-ум то 24-уми сентябри соли 2015 дар қаламрави шаҳр сурат мегирад, дар покизаву обод нигоҳ доштани оромгоҳҳо фаъол бошанд.
