Аз раиси Комиссияи марказии интихоботи Озабойҷон Мазоҳир Панахов бо дархости иштирок дар мониторинги байнулмилалӣ, омодагӣ ва баргузории маъракаи интихобот ба парлумони Озарбойҷон сафарбар шудани намояндагони Тоҷикистон, ба Комиссияи марказии интихобот ва раъйпурсӣ (КМИР)-и Тоҷикистон мактуб ворид шуд.
Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки намояндагони Тоҷикистон ба ҳайати нозирони миссияи Кумитаи иҷроияи ИДМ шомил хоҳанд шуд. «Аз эҳтимол дур нест, ки намояндагони Тоҷикистон ба ҳайати миссияҳои Ассамблеяи байнипарлумонии ИДМ ва Дафтари институтҳои демократӣ ва ҳуқуқи башари Созмони Амният ва Ҳамкорӣ дар Аврупо (ДИДҲБ/САҲА) низ дохил карда шаванд», – қайд кард Додозода.
Зимнан зикр гардид, ки ки ҳайати намояндагони Тоҷикистон ба сифати нозирони интихоботи парлумонии Озарбойҷон, ки ахири моҳи октябр ба шаҳри Боку сафарбар мешаванд, баъдан маълум мешавад.
Маҷлиси миллӣ (парлумони Озарбойҷон) аз 125 нафар вакилон иборат аст, ки бар асоси низоми мажоритарӣ аз ҳавзаҳои интихоботии якмандатӣ ба муҳлати 5 сол интихоб карда мешаванд.
