Намояндагони Тоҷикистон ҷиҳати иштирок дар пайгирӣ (мониторинг)-и маъракаи интихобот ба парлумони Қирғизистон (Жогорку Кенеш) имрӯз ба шаҳри Бишкек раҳсипор шуданд.
Бино ба маълумоти Комиссияи марказии интихобот ва раъйпурсӣ (КМИР)-и Тоҷикистон, вакили палатаи поёнии парлумони ҷумҳурӣ Мавзуна Шарофиддинова ба ҳайати миссияи нозирони Ассамблеяи байнипарлумонии ИДМ, узви КМИР Тоҷикистон Ҷамшед Ҷамшедов ва мутахассиси КМИР Мирзомда Боев ба ҳайати миссияи Кумитаи иҷроияи ИДМ ва сармутахассиси КМИР Қурбон Ҷӯрахонов ба ҳайати нозирони Созмони ҳамкории Шанхай шомил шудаанд.
Ғайр аз ин, сармутахассиси КМИР Тоҷикистон Аминҷон Ҳасанов дар ҳайати нозирони Дафтари институтҳои демократӣ ва ҳуқуқи башари Созмони Амният ва Ҳамкорӣ дар Аврупо (ДИДҲБ/САҲА) дар мониторинги маъракаи интихобот ба парлумони Қирғизистон ширкат меварзад.
