Ҳизби ҳокими халқии демократии Тоҷикистон имрӯз дар сафҳои худ беш аз 281 ҳазор нафар шаҳрвандони кишварро муттаҳид месозад.
Котиби матбуотии ҲХДТ Усмон Солиев ба «Азия-Плюс» дар ин робита иттилоъ дод, ки танҳо дар зарфи 10 моҳи соли ҷорӣ зиёда аз 28 ҳазор нафар шаҳрвандони ҷумҳурӣ ба сафҳои ҳизб пайвастаанд, ки 15 ҳазору 700 нафарашонро занон ва 11 ҳазору 590 нафарашонро ҷавонон ташкил медиҳанд.
Бино ба гуфтаи номбурда, айни замон дар саросари ҷумҳурӣ 4 ҳазору 187 адад ташкилотҳои ибтидоии ҲХДТ фаъолият доранд.
«Дар ҷаласаи Кумитаи иҷроияи марказии ҳизб, ки санаи 4 декабр доир гардид, раиси ҳизб Эмомалӣ Раҳмон таъкид дошт, ки зимни қабули аъзои нав ба сафҳои ҳизб эҳтиёткор мебояд буд ва ба сифатҳои шахсии номзадҳо, донишу садоқати онҳо ба афкору ҳадафҳои ҳизб таваҷҷуоҳир намудан зарур аст», – қайд кард Солиев.
Зимнан зикр гардид, ки дар ин ҷаласа пешвои ҳизб назди Кумитаи иҷроияи марказӣ вазифа гузоштааст, ки пойгоҳи ягонаи электронии аъзои ҲХДТ ташкил карда шавад.
Ҳизби халқии демократии Тоҷикистон соли 1994 таъсис ёфта, айни замон шумори аъзои он беш аз 281 ҳазор нафарро ташкил медиҳад. Раиси ҳизб президенти Тоҷикистон Эмомалӣ Раҳмон аст. Наздики 40%-и аъзои ҲХДТ ҷавонон мебошанд. Аксари аъзои ҳукумат, вакилони палатаи поёнии парлумон ва маҷлисҳои маҳаллии вакилони халқи вилоят ва шаҳру навоҳии ҷумҳурӣ аъзои ҲХДТ мебошанд.
