Нахуствазири Тоҷикистон Қоҳир Расулзода рӯзи 18 январ директори генералии Бонки осиёгии рушд (БОР) Шон О Саливанро ба ҳузур пазируфта, зимни мулоқот масоили ҳамкории ҷонибҳо баррасӣ шуданд.
Тавре як манбаъ аз ҳукумати ҷумҳурӣ дар ин робита иттилоъ дод, зимни вохӯрӣ ба масъалаҳои сабук гардонидани оқибатҳои буҳрони ҷаҳонӣ ва омилҳои беруна ба иқтисоди Тоҷикистон таваҷҷуҳи хосса зоҳир шуд.
Ҷонибҳо ҳамчунин оид ба масъалаҳои тақвияти ҳамкориҳои Тоҷикистону БОР дар бахшҳои нақлиёту энергетика, молия, сармоягузориҳо, соҳаи кишоварзӣ ва илму маориф табодули назар намуданд.
Дар мулоқот аз сатҳи ҳамкории Тоҷикистону Бонки осиёгии рушд давоми 20 соли ахир ва дурнамои рушди он қаноатамандӣ изҳор шуд.
