Барои рафъи оқибатҳои офатҳои табиие, ки соли гузашта дар ВМКБ ва дигар ноҳияҳои баландкӯҳи Тоҷикистон рух доданд, ҳукумати Шоҳигарии Таиланд тавассути Сафорати худ дар Ҷумҳурии Тоҷикистон бо қароргоҳ дар Остона кумаки фаврии молиявиро тақдим намуд.
Бино ба иттилои Вазорати корҳои хориҷии ҷумҳурӣ, маросими тақдими кумаки мазкур рӯзи 30 январи соли 2016 дар қароргоҳи Сафорати Ҷумҳурии Тоҷикистон дар Ҷумҳурии Қазоқистон баргузор шудааст.
Гуфта мешавад, сафири Тоҷикистон дар Қазоқистон Назирмад Ализода сипоси ҳукумати Ҷумҳурии Тоҷикистонро изҳор намуда, таъкид кардааст, ки кумаки тақдимшуда ҳамдилӣ ва равобити наздики мардумони ду кишвари дӯстро таҷассум мекунад ва ҷиҳати рушду таҳкими муносибатҳои Тоҷикистону Таиланд саҳми арзанда хоҳад гузошт.
