Бо қарори ҳукумати Тоҷикистон Файзуллозода Лочин Нусратулло аз вазифаи муовини якуми Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон озод карда шуд.
Дар маълумоти дар ин хусус интишоршуда дар сомонаи президент сабабҳои аз мансаб сабукдӯш шудани номбурда зикр наёфтааст.
Лочин Файзуллозода то ба мансаби муовини якуми Раиси Кумитаи давлатии сармоягузорӣ ва идораи амволи давлатии Тоҷикистон таъин шуданаш дар моҳи феврали соли 2014, ба ҳайси муовини раиси Кумитаи ҷавонон, варзиш ва сайёҳии назди ҳукумати ҷумҳурӣ ифои вазифа мекард.
