Кормандони милитсия бо далели гирифтани пора корманди 35-солаи комиссариати ҳарбии ноҳияи Бобоҷон Ғафурови вилояти Суғдро дастгир карданд.
Бино ба маълумоти маркази матбуоти ВКД Тоҷикистон, боздоштшуда бо миёнаравии қаровули комиссариати ҳарбӣ, сокини маҳаллии 35-сола аз модари даъватшаванда ба сифати пора 3 ҳазор сомонӣ маблағ гирифтааст.
Гуфта мешавад, худи ҷавони 22-сола, ки бояд ба хизмати ҳарбӣ даъват карда шавад, айни замон дар муҳоҷирати корӣ дар Русия қарор дорад.
Зимнан зикр мегардад, ки аз рӯи ин далел парвандаи ҷиноӣ боз шуда, тафтишот дар ин самт идома дорад.
