Нисбат ба соли 2014 дар соли 2015 ҳаҷми интиқоли маблағҳои пулӣ аз Русия ба Тоҷикистон се баробар ё худ ба андозаи 66% кам шуд. Дар ин бора дар
сомонаи
Бонки марказии Русия хабар дода мешавад.
Ҳамин тариқ, бино ба маълумоти интишоршуда доир ба интиқоли маблағҳои пулии фаромарзии Бонки марказии Русия, соли 2015 ҳаҷми интиқоли маблағҳои пулӣ аз Русия ба Тоҷикистон ба 1 млрд. 278 млн. доллар расидааст ва ин дар ҳолест, ки соли 2014 ин нишондиҳанда 3 млрд. 831 млн. ва соли 2013 – 4 млрд. 155 млн. доллари ИМА-ро ташкил дода буд.
Бино ба иттилои манбаъ, чунин ҳолат дар дигар кишварҳои минтақаи Осиёи Марказӣ низ ба мушоҳида мерасад. Масалан, соли 2015 аз Русия ба Ӯзбекистон 2 млрд. 370 млн. доллари ИМА маблағи пулӣ фиристода шуда, соли 2014 ин нишондиҳанда ба 5 млрд. 581 млн. доллари ИМА баробар буд.
Соли 2015 аз Русия ба Қирғизистон 1 млрд. 83 млн. доллари ИМА маблағи пулӣ интиқол дода шудааст. Соли 2014 маблағи пулии аз Русия ба ин кишвар интиқооёфта 2 млрд. 26 млн. доллари ИМА-ро ташкил дода буд.
