Ҳудуди 31-и тоҷикистониён Сурияро хатари нисбатан бештар ба кишвари худ донистаанд.
Дар
таҳқиқоти
хадамоти маъруфи амрикоии омӯзиши афкори умум Gallup қайд мешавад, ки 15%-и шаҳрвандони мавриди пурсиш қароргирифтаи Тоҷикистон нигаронии худро ба «Давлати исломӣ» изҳор намудаанд.
Назарпурсии иҷтимоӣ нишон додааст, ки сокинони қисмати шарқии Аврупо ва кишварҳои узви ИДМ Русия ва ИМА-ро сарчашмаи асосии хатару таҳдид мешуморанд.
Ҳамин тариқ, сокинони кишварҳои узви Иттиҳоди Аврупо дар посухҳои худ аксаран зикр кардаанд, ки сарчашмаи асосии хатар Русия аст. Аз ҷумла, 69%-и лаҳистониҳо (полшагиҳо), 58%-и эстонҳо ва 57%-и аҳолии Руминия чунин ибрози назар кардаанд. Аммо 39%-и юнониҳо қайд кардаанд, ки нисбат ба Русия ва ИМА бештар аз Олмон нигаронанд.
Сокинони кишварҳои узви ИДМ дар навбати аввал ИМА-ро сарчашмаи хатару таҳдид унвон кардаанд. Дар ин назарпурсӣ назари сокинон гуногун аст. Масалан, дар Украина 52%-и пурсидашудагон изҳор доштаанд, ки Русия хатари асосӣ аст, вале дар Беларус, Қирғизистон ва Қазоқистон ИМА-ро (мутаносибан 44%, 36% ва 33%) душмани аз ҳама хатарнок донистаанд.
Дар Туркманистон на аз Русия ва ИМА, балки аз Афғонистон (51%) ва дар Тоҷикистон аз Сурия (31%) ҳарос доштаанд.
