Кормандони милитсия рӯзи 6 апрел марди 23-солаи сокини шаҳри Душанберо ба гумони тайёр кардан ва ба муомилот баровардани пул, ё коғазҳои қимматноки қалбакӣ дастгир карданд.
Бино ба иттилои маркази матбуоти ВКД Тоҷикистон, муайян карда шудааст, ки номбурда, дар хонаи муваққатан истиқоматиаш ба тайёр намудан ва ба муомилоти ғайриқонунӣ баровардани асъори миллӣ, купюраҳои қалбакии арзишашон 50-сомонӣ машғул будааст.
Гуфта мешавад, дар вақти азназаргузаронии манзили муваққатиаш далелҳои шайъӣ – 103 адад купюраҳои қалбакии арзишашон 50-сомонӣ ва як адад таҷҳизоти компютерӣ дарёфт ва мусодира карда шуд.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишоти ҳодиса идома дорад.
