Як шаҳрванди Тоҷикистонро, ки ҳамчун террорист мавриди ҷустуҷӯи байнулмилалӣ қарор дошт, марзбонони Украина дар фурудгоҳи «Бориспол»-и шаҳри Киев боздошт намуданд.
Бино ба
иттилои
дафтари матбуоти Хадамоти давлатии марзбонии Украина, шаҳрванди 24-солаи Тоҷикистон аз Туркия ба Украина омада, ӯро Интерпол (Пулиси байнулмилалӣ) ҷустуҷӯ доштааст.
Тибқи маълумоти пешакӣ, ин шаҳрванди Тоҷикистон ҳамчун узви гурӯҳи террористӣ мавриди пайгарди байнулмилалӣ қарор дошта, минбаъд барои ба ҷавобгарии ҷиноӣ ҷалб гардидан, бояд ба Тоҷикистон истирдод шавад.
«Баъди анҷоми тамоми расмиёти зарурӣ боздоштшуда бо тартиби муқарраршуда ба ихтиёри кормандони Пулиси миллӣ супурда шуд», – омадааст дар хабар.
