Вазири молияи Тоҷикистон Абдусалом Қурбониён рӯзи 24 август бо сафири Ҷопон дар Тоҷикистон Хаҷиме Китаока дидору гуфтушунид кард.
Бино ба маълумоти котиботи Вазорати молияи ҶТ, зимни мулоқот ҷонибҳо ба масоили рушди минбаъдаи ҳамкориҳои дуҷонибаи мутақобилан судманд миёни кишварҳо ва имкони ҷалби сармоягузориҳо ба бахшҳои ояндадори иқтисоди Тоҷикистон, аз ҷумла ба соҳаҳои саноат, савдо, нақлиёт таваҷҷуҳи хосса зоҳир намуда, атрофи масъалаҳои мувофиқи мақсад будани ифтитоҳи хатсайрҳои ҳавоӣ миёни кишварҳо табодули назар намуданд.
Гуфта мешавад, дар ҷараёни вохӯрӣ ҳамчунин рафти амалисозии лоиҳаҳои муштараки байнидавлатӣ, ки ба рушди иқтисоди Тоҷикистон мусоидат карда метавонанд, низ баррасӣ шуданд.
