Президенти Тоҷикистон Эмомалӣ Раҳмон бо риояи принтсипи инсондӯстии қонунгузории кишвар ва ба пешвози 25 -умин солгарди Истиқлолияти давлатии ҷумҳурӣ Қонуни ҶТ
«Дар бораи авф»
-ро, ки аз тарафи Маҷлиси намояндагони Маҷлиси Олии ҶТ
қабул гардид,
ба имзо расонид.
Бино ба иттилои хадамоти матбуоти сарвари давлат, дар қонун авфи шахсоне, ки то рӯзи мавриди амал қарор додани он ҷиноят содир намудаанд, пешбинӣ карда мешавад. Қонун нисбати 12 ҳазор нафар гумонбаршудагон, айбдоршавандагон, судшавандагон ва маҳкумшудагон мавриди амал қарор дода мешавад.
Парвандаҳои ҷиноӣ нисбати шахсоне, ки мавриди афв қарор гирифтаву дар ҷустуҷӯ қарор доранд, ғоибона қатъ мешавад. Ин тадбир барои пешгирии ҷиноятҳои коррупсионӣ пеш гирифта мешавад.
Қобили зикр аст, ки рӯзҳои наздик матни пурраи Қонун дар матбуот чоп мешавад.
