Дар зарфи 8 моҳи соли равон ба Тоҷикистон ба маблағи умумии ҳудуди 30 млн. доллари ИМА (танҳо моҳи гузашта – ҳудуди 3,6 млн. $) кумаки башардӯстона ворид гардид.
Бино ба маълумоти Агентии омори назди президенти Тоҷикистон, ин кумак бо вазни умумии зиёда аз 13,6 ҳазор тонна аз 51 кишвари дунё ба Тоҷикистон оварда шудааст.
Гуфта мешавад, дар байни кишварҳои мададрасон вазни нисбатан хос аз рӯи арзиш ба Чин (26%), Русия (18,7%), Ҳиндустон (8,5%), Сербия (5,5%), Швейтсария (5,2%), Белгия (4,9%), Покистон (4,6%), Туркия (3,5%), Қазоқистон (3,2%), Олмон (3,1%), Дания (3%), Беларус (4%), Олмон (3%), Ҷумҳурии Корея (2,3%), ИМА (1,5%), Нидерланд (1,4%), Озарбойҷон (1,3%), Франсия (1,2%), Таиланд (1,1%-ӣ), Эрон (0,9%) ва дигар кишварҳо рост меояд.
Қобили зикр аст, ки ҳаҷми кумаки башардӯстонаи тӯли 8 моҳи соли равон ба Тоҷикистон воридшуда нисбат ба ҳамин давраи соли2015 тақрибан 7,3 млн. доллари ИМА зиёд шуда, шумори кишварҳои мададрасон 17 адад афзудааст.
Ёдрас мекунем, ки аз рӯи натиҷаҳои соли 2015 ба Тоҷикистон аз ҷониби 42 кишвар дар маҷмӯъ ба маблағи ҳудуди 45 млн. доллари ИМА кумаки башардӯстона фиристода шуда буд.
