Кормандони Кумитаи давлатии амнияти миллии ҷумҳурӣ дар Вилояти Мухтори Кӯҳистони Бадахшон аз кӯшиши қочоқи миқдори зиёди маводи мухаддир ба кишвар пешгирӣ намуданд.
Рӯзи 16 феврал зимни амалиёти кормандони Кумита дар ҳамдастӣ бо марзбонон ҳангоми анҷоми муомилот дар бозори наздимарзии Теми шаҳри Хоруғ сокини музофоти Шуғнони Афғонистон Руҳулло валади Абдулҳабиб ва сокини маҳаллаи Теми шаҳри Хоруғ Нахим Халилов боздошт шудаанд.
Тибқи маълумоти КДАМ, аз боздоштшудагон 37 кило маводи мухаддири навъи ҳашиш мусодира ва аз рӯи ин далел парвандаи ҷиноӣ боз шуда, тафтишот дар ин самт идома дорад.
