Дар пайи ҳамлаҳои маргбор ба ду калисои қибтӣ дар Миср 44 нафар ба ҳалокат расиданд.
Бино ба маълумоти Радиои Озодӣ, дар таркишҳои рӯзи якшанбеи 9 апрел дар яке аз калисоҳои масеҳиёни қибтӣ дар шаҳри Танто ва дигаре дар шаҳри Искандария, ҳадди ақал 44 нафар кушта ва даҳҳо нафари дигар низ захмӣ шуданд.
Гуфта мешавад, дар таркиши шаҳри Тантон дар 100-километрии Қоҳира –пойтахти Миср 25 нафар кушта ва ҳудуди 75 тани дигар захмӣ шуданд. Таркиши дувум дар як калисо дар шаҳри Искандария рух дода, шуморе аз афсарони баландпояи пулис кушта шудаанд.
ИЗОБРАЖЕНИЕ
Зикр мегардад, ки масеҳиён 10 дарсади аҳолии Мисрро ташкил медиҳанд. Таркишҳои ахир як ҳафта пеш аз оғози маросими Иди Пок — аз муҳимтарин маросимҳои динии масеҳиён рух дод. Инчуни қарор аст Поп Франсис — раҳбари католикҳои ҷаҳон рӯзҳои 28-29 апрел ба Миср сафар кунад.
ИЗОБРАЖЕНИЕ
Ҳамчунин қайд мешавад, ки шоми рӯзи гузашта гурӯҳи "Давлати исломӣ" эълом кардааст, ки афроди ин гурӯҳ ин ҳамларо анҷом додаанд.
ИЗОБРАЖЕНИЕ
Раиси ҷумҳури Миср Абдулфаттоҳи Сисӣ дар ин кишвар барои се моҳ вазъияти фавқулодда эълон кард.
