Кормандони милитсия сокини ноҳияи Бохтар, марди 22-соларо бо гумони содир намудани ҷинояти таҳқири ҷасади фавтидагон ва гӯри онҳо дастгир карданд.
Дафтари матбуоти ВКД Тоҷикистондар ин робита менависад, номбурда шабона ба қабристони деҳаи Хурсандии ҷамоати деҳоти Меҳнатободи ноҳия вори шуда, аз 27-адад навиштаҷотҳо дар сангҳои мармар ва қисман дар тунукаҳо дар болои қабри фавтидагон 14-ададро зада мешиканад ва боқимонда 13 адад нишонаҳоро қисман корношоям карда аз ҷой ҳодиса ғайб задааст.
Зимнан зикр мегардад, ки аз рӯи ин ҳодиса парвандаи ҷиноятӣ оғоз гардида, тафтишот идома дорад.
