Раиси палатаи болоии палумони Тоҷикистон Маҳмадсаид Убайдуллоев дар бораи санаи 28 август даъват шудани иҷлосияи 12-уми Маҷлиси миллии Маҷлиси Олии Тоҷикистон даъвати панҷум қарор ба имзо расонид.
Аъзои палатаи болоии парлумон тағйиру илова ба қонунҳо Дар бораи танзими анъана ва ҷашну маросимҳо дар ҶТ», «Дар бораи маориф», «Дар бораи таҳсилоти ибтидоии касбӣ», «Дар бораи таҳсилоти миёнаи касбӣ», «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», Кодекси ҷиноятии ҶТ ва Кодекси ҳуқуқвайронкунии маъмурии Тоҷикистонро баррасӣ мекунанд. Дар ин бора ба «Азия-Плюс» як манбаъ аз палатаи болоии палумон хабар дод.
Тағйиру илова ба қонунҳои дар боло зикршударо вакилони палатаи поёнии парлумон имрӯз, 23 август мавриди баррасӣ қарор дода, мувофиқи меъёрҳои қонунгузории кишвар, танҳо қонунҳои аз ҷониби палатаи поёнии парлумон қабулшуда ҷиҳати тасдиқ ба Маҷлиси миллӣ фиристода мешавад.
Даъвати иҷлосияи навбатии Маҷлиси миллии Маҷлиси Олии Тоҷикистон ба санаи 28 август гувоҳи он аст, ки раиси палатаи болоии парлумони ҷумҳурӣ Маҳмадсаид Убайдуллоев ба аз ҷониби вакилони палатаи поёнӣ имрӯз якдилона пазируфта шудани тағйиру иловаҳое, ки Президент пешниҳод намудааст, бовар дорад.
